Сақтандыру ережелері.

 

Қазақстан Республикасының «Міндетті экологиялық сақтандыру туралы» Заңына сәйкес

Үшінші тұлғалардың өміріне, денсаулығына, мүлкіне және (немесе) қоршаған ортаға, оның апаттық ластану нәтижесінде зиян келтіргені үшін шаруашылық және өзге де қызметтің экологиялық қауіпті түрлерін жүзеге асыратын жеке және (немесе) заңды тұлғалардың жауапкершілігін сақтандыру.

Міндетті экологиялық сақтандырудың негізгі қағидаттары келесілер:

• залалды өтеуге кепіл беру;
• міндетті экологиялық сақтандыру шарты бойынша тараптардың өз міндеттемелерін орындауын қамтамасыз ету;
• қоршаған ортаның апаттық ластануын болдырмауды экономикалық ынталандыру.

Сақтандыру мерзімі

МЭС сақтандыру полисі 12 айға жасалады.

Сақтандыру жағдайы дегеніміз не?

Сақтандыру жағдайы деп үшінші тұлғалардың өміріне, денсаулығына, мүлкіне және қоршаған ортаға, оның апаттық ластану нәтижесінде келтірілген зиянды өтеу бойынша азаматтық-құқықтық жауапкершіліктің басталу фактісі танылады.

Сақтандыру сомаларының мөлшері тараптардың келісім бойынша белгіленеді

• жеке кәсіпкер болып табылатын жеке тұлғамен 5 000 ЕАК бастап
• заңды тұлғамен 65 000 ЕАК бастап
• егер міндетті экологиялық сақтандыру шарты қоршаған ортаға зиян келтіргені үшін АҚЖ сақтандыру бөлігінде ғана жасалған болса, 17 000 ЕАК бастап.

Сақтандыру сыйлықақысы

Сақтандыру сыйлықақысының мөлшері тараптардың келісімі бойынша белгіленеді, бірақ бұл ретте сақтандыру сыйлықақысының мөлшері осындай болуы тиіс:

• жеке кәсіпкер және заңды тұлға үшін сақтандыру сомасының 0,76% бастап 2,65% дейін;
• егер міндетті экологиялық сақтандыру шарты қоршаған ортаға зиян келтіргені үшін азаматтық-құқықтық жауапкершілікті  сақтандыру бөлігінде ғана жасалған болса, сақтандыру сомасының 0,59% бастап 2,05% дейін;

Сақтандыру төлемдерінің мөлшері?

Сақтандыру төлемі Сақтандырушы зардап шеккен (пайда алушы) талап еткен сомаға немесе соттың келтiрiлген зиянды өтеу туралы шешiмi заңды күшiне енуiне орай айқындаған мөлшерде жасалады.

Сақтандыру арқылы қорғаудың қолданылу аумағы

Қазақстан Республикасының аумағы.